Fréttir

Göngudagur í Lundarskóla 2. september Á morgun fimmtudaginn 2. september verður göngudagur í Lundarskóla og því þurfa nemendur að koma klæddir eftir veðri, í góðum skóm og með nesti í bakpoka. Nánari upplýsingar er hægt að fá hjá umsjónarkennurum.

Fyrstu skóladagarnir fara vel af stað og góða veðrið nýtt eins og hægt er í útilestur, göngutúra og fl. Við viljum núna þegar allt er komið á fullt minna á mikilvægi þess að fara vel yfir með nemendum öryggi í umferðinni, allir eiga að nota hjálm og sýna aðgát þegar hjólað er á göngustígum. Einnig viljum við minna á að reiðhjól eru leyfileg á leið til og frá skóla en öll umferð þeirra á skólalóð á skólatíma er ekki leyfileg hvorki við Lundarskóla né Brekkuskóla þar sem nemendur í 7.-10.bekk fara um á leið sinni til og frá skóla.

Kæri foreldrar/forráðamenn Senn líður að skólabyrjun skólaárið 2021-2022. Við vonum innilega að allir hafi notið sín í sumarfríi og séu endurnærðir eftir það. Við í Lundarskóla hlökkum til að takast á við verkefni vetrarins í samstarfið við foreldra/forráðamenn og nemendur.

Skólastlit Skólaslit Lundarskóla verða þann 8. júní kl. 9:00 fyrir nemendur í 1. – 9. bekk. Skólaslitin verða með rafrænum hætti. Útskrift nemenda í 10. bekk verður mánudaginn 7. júní kl. 15:00 í sal Lundarskóla við Dalsbraut. Foreldrar nemenda í 10. bekk hafa fengið boð um að skrá sig sérstaklega ef þeir ætla að koma á útskriftina. Eftir útskrift verða léttar veitingar í boði fyrir nemendur og starfsfólk skólans.

Í kvöld þriðjudag mun lið Lundarskóla taka þátt í Skólahreysti en liðið skipa Vignir Otri, Skarphéðinn, Iðunn Rán og Sigrún Rósa ásamt Katrínu Sól og Alex Rúnari sem eru varamenn. Keppnin verður sýnd í beinni útsendingu á RÚV kl. 20:00 og hvetjum við alla til þess að fylgjast með.

Nú er hafinn sá árstími þar sem hjól og önnur létt ökutæki eru í mikilli notkun og því mikilvægt að huga að öryggi barnanna. Færst hefur í aukana notkun á vélknúnum hlaupahjólum en þau tilheyra flokki reiðhjóla og ná oftast 6-25 km hraða á klst. Í umferðarlögum stendur að ekki megi aka slíkum farartækjum á akbraut og sömu reglur gilda um öryggisbúnað og á reiðhjólum. Á þessi tæki er ekkert aldurstakmark en mikilvægt er að lesa vel þær leiðbeiningar og viðmið sem framleiðendur setja og fylgja þeim eftir.

Kæru foreldrar, Eins og fram kom í fréttum í dag verður grunnskólum landsins lokað frá og með morgundeginum.

Nemendur Lundarskóla áttu frábæran dag í ýmiskonar verkefnum þar sem útivist og hreyfing lék aðalhlutverkið.

Því miður verðum við að fresta för okkar í Hlíðarfjall og Kjarnaskóg þar sem veðurspáin er ekki hliðholl okkur. Við stefnum þó á aukna hreyfingu/útivist á uppbrotsdeginum á morgun. Umsjónarkennarar sjá um skipulagið á deginum og senda heim upplýsingar, eftir þörfum, varðandi skipulag dagsins hjá nemendahópnum í tengslum við námsgögn, klæðnað, nesti og annað sem foreldrar og nemendur þurfa að fá upplýsingar um. Þess ber að geta að sund og valgreinar verða kenndar skv. stundatöflu á unglingastigi og allir nemendur verða í mat skv. skráningu og hann verður framreiddur Lundarskóla v/Dalsbraut.

Í morgun áttum við góða stund saman með 7.bekk þar sem 13 nemendur tóku þátt í forkeppni fyrir stóru upplestrarkeppnina.