Fréttir

Á morgun miðvikudag mun 10. bekkur halda öskudagsball fyrir 1.-4. Bekk Farið verður í ýmsa leiki, dansað og sprellað. Það kostar 1000 kr. inn og því fylgir drykkur og nammi

Við minnum á að öskudagurinn (17. febrúar) er starfsdagur og dagana 18.-19. febrúar er vetrarfrí í grunnskólum Akureyra. Þessa daga er frí hjá nemendum en skólinn hefst aftur mánudaginn 22. febrúar samkvæmt stundaskrá.

Rafmagnslaust er í Lundarskóla v. Dalsbraut og verður það þannig út daginn. Símakerfið liggur þar af leiðandi niðri en við bendum á að hægt er að senda töluvpóst á stjórnendur ef eitthvað er. Nemendur í 5. og 6. bekk verða sendir fyrr heim í dag og hefur póstur verið sendur á forráðamenn þeirra. Forráðamenn þeirra barna sem eru í frístund hafa einnig fengið tölvupóst með upplýsingum sem gott er að kíkja á.

Jólatré verða ekki hirt við lóðamörk í ár af bænum. Því ætlar 10.bekkur Lundarskóla að hjálpa til og hirða upp tréð fyrir þig og koma því á réttan stað! Farið verður af stað á milli 15:00-21:00 dagana 7. 8. og 9. janúar og tréð fjarlægt úr garðinum þínum. Svo einfalt. Við biðjum alla um að panta fyrir klukkan 15:00 fimmtudaginn 7.janúar.

Litlu jólin verða haldin í Lundarskóla í lok vikunnar

Samkvæmt upplýsingum frá stjórnvöldum varðandi skólastarf út árið þá verða litlar breytingar á því. Hér í Lundarskóla verður sama skipulag og verið hefur hjá 1. - 7.bekk. Í 8.-10. bekk verður sama skipulag og síðustu viku, nemendur þurfa þó ekki að vera með grímur né halda 2m fjarlægð en er að sjálfsögðu frjálst að nýta grímur ef þeir vilja.

Í ljósi aðstæðna munum við ekki bjóða upp á mat í skólanum nema fyrir þá nemendur sem verða í Frístund og því þurfa allir að koma með nesti, nemendur og starfsfólk í næstu viku. Frístund verður opin fyrir nemendur í 1. og 2. bekk sem þurfa á því að halda, skráning fer fram hjá forstöðumanni Frístundar.

Það þyngist róðurinn hér hjá okkur í Lundarskóla þar sem smitum hefur fjölgað í starfsmannahópnum. Nú eru fjögur virk smit hjá starfsfólki og eru þau öll hjá einstaklingum sem fóru í sóttkví um síðustu helgi.

Fræðsluyfirvöld á Akureyri hafa ákveðið að hafa skipulagsdag mánudaginn 2. nóvember í leik- og grunnskólum

Töluvert mikið hefur verið um Covid-19 smit hér á Akureyri síðustu daga og við í Lundarskóla fáum að finna fyrir því eins og svo margir aðrir skólar og einstaklingar í samfélaginu.