Fréttir

Í kvöld þriðjudag mun lið Lundarskóla taka þátt í Skólahreysti en liðið skipa Vignir Otri, Skarphéðinn, Iðunn Rán og Sigrún Rósa ásamt Katrínu Sól og Alex Rúnari sem eru varamenn. Keppnin verður sýnd í beinni útsendingu á RÚV kl. 20:00 og hvetjum við alla til þess að fylgjast með.

Nú er hafinn sá árstími þar sem hjól og önnur létt ökutæki eru í mikilli notkun og því mikilvægt að huga að öryggi barnanna. Færst hefur í aukana notkun á vélknúnum hlaupahjólum en þau tilheyra flokki reiðhjóla og ná oftast 6-25 km hraða á klst. Í umferðarlögum stendur að ekki megi aka slíkum farartækjum á akbraut og sömu reglur gilda um öryggisbúnað og á reiðhjólum. Á þessi tæki er ekkert aldurstakmark en mikilvægt er að lesa vel þær leiðbeiningar og viðmið sem framleiðendur setja og fylgja þeim eftir.

Kæru foreldrar, Eins og fram kom í fréttum í dag verður grunnskólum landsins lokað frá og með morgundeginum.

Nemendur Lundarskóla áttu frábæran dag í ýmiskonar verkefnum þar sem útivist og hreyfing lék aðalhlutverkið.

Því miður verðum við að fresta för okkar í Hlíðarfjall og Kjarnaskóg þar sem veðurspáin er ekki hliðholl okkur. Við stefnum þó á aukna hreyfingu/útivist á uppbrotsdeginum á morgun. Umsjónarkennarar sjá um skipulagið á deginum og senda heim upplýsingar, eftir þörfum, varðandi skipulag dagsins hjá nemendahópnum í tengslum við námsgögn, klæðnað, nesti og annað sem foreldrar og nemendur þurfa að fá upplýsingar um. Þess ber að geta að sund og valgreinar verða kenndar skv. stundatöflu á unglingastigi og allir nemendur verða í mat skv. skráningu og hann verður framreiddur Lundarskóla v/Dalsbraut.

Í morgun áttum við góða stund saman með 7.bekk þar sem 13 nemendur tóku þátt í forkeppni fyrir stóru upplestrarkeppnina.

Á morgun miðvikudag mun 10. bekkur halda öskudagsball fyrir 1.-4. Bekk Farið verður í ýmsa leiki, dansað og sprellað. Það kostar 1000 kr. inn og því fylgir drykkur og nammi

Við minnum á að öskudagurinn (17. febrúar) er starfsdagur og dagana 18.-19. febrúar er vetrarfrí í grunnskólum Akureyra. Þessa daga er frí hjá nemendum en skólinn hefst aftur mánudaginn 22. febrúar samkvæmt stundaskrá.

Rafmagnslaust er í Lundarskóla v. Dalsbraut og verður það þannig út daginn. Símakerfið liggur þar af leiðandi niðri en við bendum á að hægt er að senda töluvpóst á stjórnendur ef eitthvað er. Nemendur í 5. og 6. bekk verða sendir fyrr heim í dag og hefur póstur verið sendur á forráðamenn þeirra. Forráðamenn þeirra barna sem eru í frístund hafa einnig fengið tölvupóst með upplýsingum sem gott er að kíkja á.

Jólatré verða ekki hirt við lóðamörk í ár af bænum. Því ætlar 10.bekkur Lundarskóla að hjálpa til og hirða upp tréð fyrir þig og koma því á réttan stað! Farið verður af stað á milli 15:00-21:00 dagana 7. 8. og 9. janúar og tréð fjarlægt úr garðinum þínum. Svo einfalt. Við biðjum alla um að panta fyrir klukkan 15:00 fimmtudaginn 7.janúar.