Viðtöl í mars

Miðvikudaginn 19.mars og fimmtudaginn 20.mars verða viðtalsdagar í Lundarskóla. Þessa daga er ekki kennsla, en ætlast er til þess að nemendur mæti ásamt forráðamönnum til allt að 30 mínútna viðtals við umsjónarkennara annan hvorn þessara daga.  Við prófum nú nýtt fyrirkomulag á niðurröðun viðtala sem felur í sér að foreldrar sjálfir bóka sig á viðtalstíma hjá umsjónarkennara í gegnum www.mentor.is.   Þá er farið inn á fjölskylduvef mentor og smellt á hlekk sem birtist hægra megin á síðunni – „bóka foreldraviðtal“. Greinargóðar leiðbeiningar vegna þessa má finna á slóðinni: https://www.youtube.com/watch?v=lLHx3ngQD6g

Foreldrar barna sem eiga fleiri en eitt barn í skólanum eru hvattir til að bregðast fljótt við og bóka viðtal til þess að finna samliggjandi tíma. Opnað verður fyrir bókanir á morgun 28.febrúar og þeim þarf að vera lokið í síðasta lagi mánudaginn 10.mars 2014. Ef þið lendið í vandræðum eða óskið eftir aðstoð við þetta er um að gera að hafa samband við ritara eða stjórnendur skólans.  Ef þið finnið alls enga tímasetningu sem ykkur hentar bið ég ykkur um að hafa beint samband við viðkomandi umsjónarkennara.