Útivistardagur í Hlíðarfjalli

Útivistardagur Lundarskóla verður fimmtudaginn 15. mars. Allir fara í Hlíðarfjall á skíði, bretti, þotu eða sleða. Skóladegi lýkur þegar komið er heim að skóla. Allir nemendur sem skráðir eru í mat fá að borða þegar komið er til baka. Frístund tekur við nemendum sem skráðir eru þennan dag að loknum  matartíma.

 Mæting og tímaáætlun upp í Hlíðarfjall:

5.-7. bekkur, mæta í stofuna sína kl. 8:10 og fara með rútu upp í fjall kl. 8:30

1.-4. bekkur, mæta í stofuna sína kl. 8:10 og fara með rútu upp í fjall kl. 8:45

8.-10. bekkur, mæta í stofuna sína kl.8:45 og fara með rútu upp í fjall kl. 9:00

Heimferðir úr Hlíðarfjalli:

Kl. 11:30  1. – 2. bekkur

Kl. 11:45  3. – 4. Bekkur

Rútur fyrir nemendur í 5. – 10. bekk:

Kl. 12:00

Kl. 12:30

Kl. 12:45

Nemendur þurfa að hafa með sér hollt og gott nesti í vel merktum bakpoka og klæðast eftir veðri og aðstæðum. Nemendur á unglingastigi fá leyfi í valgreinum þennan dag. Við bendum foreldrum einnig á að huga að sólarvörn og sólgleraugum fyrir börnin.

Öllum er skylt að vera með hjálma á svigskíðum og brettum.

Foreldrum er velkomið að taka þátt í skólastarfinu þennan dag jafnt og aðra daga en ekki er gert ráð fyrir foreldrum í rúturnar.

Nemendur sem vilja vera lengur í fjallinu þurfa að skila skriflegu leyfi frá foreldrum til umsjónarkennara og verða þar alfarið á ábyrgð foreldra.

Nemendur í  1. – 3. bekk sem eru vön á skíðum og/eða brettum og eiga búnað er velkomið að koma með hann.  Aðrir koma með sleða eða þotu.

Með útivistarkveðju

starfsfólk Lundarskóla.